Indoneziydagi XVIII yozgi Osiyo o‘yinlarida ishtirok etadigan o‘zbekistonlik tennischilar Palembang shahrida dastlabki mashg‘ulotlarni yakunladi. Bu haqda “Daryo” muxbiri xabar bermoqda.
Ayollar o‘rtasida O‘zbekiston sharafini himoya qiluvchi tennischilar — Nigina Abduraimova, Iroda To‘laganova, Sabina Sharipova va Oqgul Omonmurodovalar murabbiy Samug‘ Abidov qo‘l ostida mashg‘ulotlarda ishtirok etdi.
Erkaklar o‘rtasida O‘zbekiston sharafini himoya qiluvchi Denis Istomin, Farruh Do‘stov, Sanjar Fayziyev, Jo‘rabek Karimovlar ham Palembang shahridagi Jakabaring Tennis Center’da musobaqa uchun navbatdagi tayyorgarlikni olib bordi.
Ma’lumot uchun, XVIII Osiyo o‘yinlarining tantanali ochilish marosimi Jakartadagi “Gelora Bung Karno Stadium”da 18-avgust kuni mahalliy vaqt bilan 18:08(Toshkent vaqti bilan – 16:08) da boshlanadi.
Izoh (0)