Prezident Shavkat Mirziyoyev 18-avgust kuni Samarqandda shahar infratuzilmasini rivojlantirishga doir loyihalar bilan tanishdi. Bu haqda Prezident matbuot xizmati xabar bermoqda.
Amir Temur ko‘chasining ikki yonida qariyb 14 gektar maydonda Samarkand City bunyod etish rejalashtirilgan. 2017—2020-yillarga mo‘ljallangan tadbirlar dasturi doirasida amalga oshirilayotgan mazkur loyiha Samarqandning turistik salohiyatini zamon talablari darajasiga ko‘tarishga qaratilgan. Bugungi kunda xorijlik investorlar jalb etilib, bir nechta shartnoma va bitimlar imzolangan.
Samarqandning tarixiy qadamjolari hisobiga Samarkand City zamonaviy turizm markazi bo‘ladi. Dunyoda nimaiki xizmat turlari bo‘lsa, bu yerda muhayyo bo‘lishi kerak. Bu yerdagi inshoot va ko‘ngilochar maskanlar muntazam ishlashi, xarajatni oqlab, daromad keltirishi zarur.Prezident Samarqand shahri Bosh rejasini xorijlik mutaxassislar bilan birgalikda loyihalashtirish, katta mehmonxonalar bilan birga sayyohlar uchun kichik-kichik otellar ham bunyod etish zarurligini ta’kidladi.Shavkat Mirziyoyev, O‘zbekiston Prezidenti
“Samarqandda yo‘llar, binolar, transport infratuzilmasi, o‘rindiqlargacha — hamma-hammasi chuqur o‘ylanishi, insonlar uchun qulay bo‘lishi lozim”, — dedi Shavkat Mirziyoyev.
Izoh (0)