Joriy yilning iyul oyida Singapur davlatida o‘tkazilgan VIII – butunjahon shaharlar sammiti va merlar forumi doirasida Toshkent shahar hokimligi turizimni rivojlantirish departamenti hamda Singapur sayyohlik agentliklari milliy assotsiatsiyasi (NATAS) o‘rtasida hamkorlik memorandumi imzolangan edi. Bu haqda “Daryo”ga Toshkent shahar hokimligi matbuot xizmati xabar berdi.
Bugun ana shu memorandum doirasida Singapurda NATAS – Holidays 2018 yirik turistik yarmarkasi o‘z ishini boshladi.
Quvonarlisi, ushbu turistik yarmarkada “O‘zbekiston Respublikasi milliy stendi” ham tashkil etilib, mamlakatimiz va Toshkent shahri turistik salohiyati ishtirokchilarga namoyish etilmoqda.
Toshkent shahar hokimligi turizimni rivojlantirish departamenti, O‘zbekiston Respublikasi Turizimni rivojlantirish davlat qo‘mitasi hamda Madaniyat vazirligi hamkorligida tashkil etilgan ushbu ko‘rgazma 19-avgustga qadar davom etadi.
Izoh (0)