Samarqandda joylashgan “Sino” AJ sud tomonidan bankrot deb topildi. Bu haqda “Nuz.uz” xabar bermoqda.
Korxona bu yil 45 yoshga to‘lgan edi. 1973-yilda qurilgan zavod “Pomir”, “Snejinka”, “Samarqand”, “Sino” brendlari ostida mahsulot ishlab chiqargan, quvvati yiliga 250 mingta muzlatgich ishlab chiqarishga moslashgan.
Samarqandda ishlab chiqarilgan muzlatgichlar Polsha, Afg‘oniston, Xitoy va boshqa mamlakatlarga eksport qilingan. 1991-yilda “Sino” zavodi 211 mingta muzlatgich ishlab chiqargan edi.
So‘nggi 25 yilda zavod LG Electronics, Guangzhou Kinte Industrial kabi xorijiy brendlar bilan hamkorlikda mahsulot ishlab chiqarishni yo‘lga qo‘ygan va bir necha millionlab dollar sarmoyalar kiritilgan bo‘lsada, bugungi kunda respublikaning boshqa korxonalarida ishlab chiqarilayotgan mahsulotlar bilan raqobatga dosh bera olmadi.
Izoh (0)