Jizzax oliy harbiy aviatsiya bilim yurti, Jizzax viloyati halq ta’limi bo‘limi hamda O‘zbekiston yoshlar ittifoqi Jizzax viloyati kengashi bilan hamkorlikda Jizzax shahridagi kasb-hunar kolleji o‘quvchi yoshlari, umumiy o‘rta ta’lim maktab o‘quvchilari va maktabgacha ta’lim tarbiyalanuvchilari ishtirokida “Vatan muqaddas, uni himoya qilish sharafli burchdir!” shiori ostida ko‘rgazmali tadbir o‘tkazildi. Bu haqda Mudofaa vazirligi matbuot xizmati “Daryo”ga ma’lum qildi.
Tadbirda 800 nafardan ortiq o‘quvchi yoshlar ishtirok etdi. Ishtirokchilar harbiy samolyot va vertolyotlarning taktik va texnik tavsiflari hamda aviatsiya qurol-aslahalari bilan tanishtirildi. Tadbirning kulminatsiyasiga YAK-52 harbiy samolyotlarininig jangovar parvoz-shoulari aylandi.
Shundan so‘ng tadbirning badiiy qismi boshlanib, unda harbiy orkestr shaxsiy takribi va 29-son Mehribonlik uyi tarbiyalanuvchilari o‘zlarining chiqishlari bilan tadbirga o‘zgacha kayfiyat bag‘ishladi.
Tadbirdan ko‘zlangan asosiy maqsad avvalo milliy armiyaning kuch va imkoniyatlari bilan yoshlarni tanishtirish va ularni vatanparvarlik ruhida tarbiyalash, harbiy texnikalarning taktik va texnik tavsiflari hamda aviatsiya qurol-aslahalari bilan tanishtirishdan iborat.
Izoh (0)