Toshkent shahar Ichki ishlar bosh boshqarmasi voyaga yetmaganlarning suratini ruxsatsiz tarqatish taqiqlanishi haqida axborot berdi.
“Telegram messenjerida... yosh bolakay, ichki ishlar organi xodimlari va fuqarolik kiyimidagi erkak kishi muhrlangan fotosurat tarqatilmoqda. Ushbu rasmga esa “Mana, Toshkentda avtomobil eshiklarini ochgan professional o‘g‘rining fotosurati”, deb izoh qoldirilgan.
Ushbu suratdagi odamlar, xususan ichki ishlar xodimlarining shaxsi va manzilini aniqlash mushkul, biroq uning Toshkent shahrida suratga olinmagani aniq. Chunki Toshkent shahar PPX va YPX mashinalarida bunday markirovkalar qo‘llanilmagan. Qolaversa, ushbu suratga boqib, voqeaga real baho berish mumkin emas. Balki unda xizmat xodimlari yo‘qolib qolgan bolaga yordam berayotgan bo‘lishi ham mumkin.
Shu bilan birga, voyaga yetmaganlarning huquq va manfaatlarini himoya qiluvchi xalqaro standartlarga muvofiq, huquqbuzar bolalarning shaxsini oshkor qilishi mumkin bo‘lgan har qanday axborotni tarqatish taqiqlanishini ma’lum qilamiz (batafsil: https://undocs.org/ru/A/RES/40/33)”, — deyiladi bayonotda.
Izoh (0)