Тошкент шаҳар Ички ишлар бош бошқармаси вояга етмаганларнинг суратини рухсатсиз тарқатиш тақиқланиши ҳақида ахборот берди.
«Telegram мессенжерида... ёш болакай, ички ишлар органи ходимлари ва фуқаролик кийимидаги эркак киши муҳрланган фотосурат тарқатилмоқда. Ушбу расмга эса «Мана, Тошкентда автомобиль эшикларини очган профессионал ўғрининг фотосурати», деб изоҳ қолдирилган.
Ушбу суратдаги одамлар, хусусан ички ишлар ходимларининг шахси ва манзилини аниқлаш мушкул, бироқ унинг Тошкент шаҳрида суратга олинмагани аниқ. Чунки Тошкент шаҳар ППХ ва ЙПХ машиналарида бундай маркировкалар қўлланилмаган. Қолаверса, ушбу суратга боқиб, воқеага реал баҳо бериш мумкин эмас. Балки унда хизмат ходимлари йўқолиб қолган болага ёрдам бераётган бўлиши ҳам мумкин.
Шу билан бирга, вояга етмаганларнинг ҳуқуқ ва манфаатларини ҳимоя қилувчи халқаро стандартларга мувофиқ, ҳуқуқбузар болаларнинг шахсини ошкор қилиши мумкин бўлган ҳар қандай ахборотни тарқатиш тақиқланишини маълум қиламиз (батафсил: https://undocs.org/ru/A/RES/40/33)», — дейилади баёнотда.
Изоҳ (0)