Ar-Riyod Saudiyaning Ottavadagi elchisini maslahatlashuv uchun chaqirib olmoqda, deb yozadi “RIA Novosti”.
Bundan tashqari, qirollik tashqi ishlar vaziri Kanada elchisini persona non-grata deb e’lon qilib, uning mamlakatni tark etishi uchun 24 soat vaqt berdi.
Shuningdek, Saudiya Arabistoni Kanada bilan barcha yangi savdo va investitsiyaviy tranzaksiyalarni muzlatib qo‘yishga qaror qildi.
Xabarlarga ko‘ra, qirollik keyingi choralarni ko‘rish huquqini o‘zida qoldiradi.
2-avgust, payshanba kuni Kanada tashqi ishlar vaziri Xristya Friland Saudiya Arabistonida bloger Raif Badaviyning singlisi huquq muhofazachisi Samar Badaviy hibsga olingani haqidagi xabarlardan tashvishda ekanligini ma’lum qilgan va ikkalasini ham ozod etishni so‘ragan edi.
“Saudiya Arabistonining liberal tarmog‘i” internet saytining asoschisi Badaviy 2012-yilda hibsga olingan edi. Din vakillari va qirollikning diniy politsiyasini tanqid qilish, islomni kamsitish, kiberjinoyat va otasiga bo‘ysunmaslikda aybdor deb topilgan bloger o‘n yillik qamoq jazosini o‘tamoqda.
Izoh (0)