4-avgust, shanba kuni Moskvadagi “Dobrininskaya” metro bekati yaqinida o‘tkinchilar markaziy osiyolik muhojirlar ishtirokidagi ommaviy mushtlashuv guvohi bo‘ldi, deb yozadi “Vesti.ru”.
Ijtimoiy tarmoqlarga joylangan videolardan birining muallifi aytishicha, janjalda kamida 40 kishi qatnashgan, ularning katta qismi taksichilar bo‘lgan.
“Dastlab suhbatlashib turishdi, hatto kulishishdi ham, keyin esa metro yonidagi maydonda yugurib, bir-biriga zarbalar bera boshladi. Qanchalik tez to‘planishgan bo‘lishsa, shunchalik tez tarqalib ketishdi, ba‘zilari sariq taksiga o‘tirib ketdi, qolganlari har tomonga ketib qoldi”, — dedi u.
Guvohlarning so‘zlariga ko‘ra, kamida ikki kishi jabrlangan, ulardan biri voqea joyidan mustaqil turib keta olmagan, unga hamrohlari yordam bergan.
Guvohlar tartibsizliklar oldini olishi mumkin bo‘lgan politsiya xodimlari voqeaga aralashmaganini aytdi.
Izoh (0)