Kecha, 3 ta mamlakat — Fransiya, Portugaliya hamda Niderlandiyada futbol bo‘yicha mamlakat superkubogi uchun bahslar bo‘lib o‘tdi.
Jumladan, Fransiyada PSJ hamda “Monako” superkubok uchun maydonga tushdi. Uchrashuv 4:o hisobida parijliklarning yirik g‘alabasi bilan yakunlandi. Shu tariqa PSJ o‘zining yangi bosh murabbiyi Tomas Tuxel qo‘l ostidagi ilk rasmiy o‘yinida o‘z tarixida 8-marta mamlakat superkubogini qo‘lga kiritdi. Ta’kidlash joiz, parijliklar 2013-yildan buyon qatorasiga 6-marta Fransiya superkubogini qo‘lga kiritdi.
Portugaliya superkubogi uchun “Portu” hamda “Avesh” jamoalari kurash olib bordi. Bahsda 3:1 hisobida g‘alaba qozongan “Portu” o‘z tarixida 21-marta mamlakat superkubogi sohibiga aylandi.
Niderlandiya superkubogi uchun esa Eyndxovenning PSV hamda Rotterdamning “Feyenoord” jamoalari bahs yuritdi. Uchrashuv asosiy hamda qo‘shimcha bo‘limlarida gol urilmaganligi bois, g‘olib penaltilar seriyasiga ko‘ra aniqlandi. Unda omad “Feyenoord”ga kulib boqdi.
Fransiya superkubogi
4-avgust, shanba
PSJ – “Monako” 4:0
Gollar: 1:0 – 33 Di Mariya, 2:0 – 40 Nkunku, 3:0 – 67 Vea, 4:0 – 90 Di Mariya.PSJ: Buffon, Dagba, Riman, Tiago Silva (Berned, 74), Nsoki, Verratti (Neymar, 76), Rabo, Nkunku, Diarra (Markinos, 64), Di Mariya, Vea.
“Monako”: Benalyo, Radji, Serrano, Glik, Jemerson, Tilemans, Pele (Diop, 46), Axolu, Roni Lopesh (Jordi Mboula, 65), Gransir (Keyta Balde, 46), Yovetich.
Portugaliya superkubogi
“Portu” — “Avesh” 3:1
Gollar: 0:1 – 14 Falkao, 1:1 – 25 Braimi, 2:1 – 67 Maksi Pereyra, 3:1 – 84 Korona.“Portu”: Kasilyas, Felipe, Telles, Maksi Pereyra, Diogu Leyte, Otavio, Errera, Serjiu Oliveyra, Braimi (Korona, 39), Abubakar (Soares, 75), Andre Pereyra (Oliver Torres, 72).
“Avesh”: Benardo, Diyego Galo, Lenyu, Rodrigo, Jorje Fellipe, Falkao, Vitor Gomesh, Braga (Mishel Duglas, 69), Nildo Petrolina (Farinya, 77), Amilton (Balde, 85), Dias.
Niderlandiya superkubogi
PSV — “Feyenoord” 0:0 (penaltilar bo‘yicha 5:6)
PSV – Zut, Tasende, Dumfris, Virgever, Shvaab, Rosario, Xendriks, Pereyro, Bergveyn (Junior, 83), Malen (Losano, 59), de Yong.“Feyenoord”: Beylo, Verdonk, Sen-Jyust (Niukop, 85), van der Xeyden, Bottegin, Tornstra (Amrabat, 62), Trindade, Bergeys, Klasi, Larsson, van Persi (Vente, 84).
Izoh (0)