Qozog‘iston g‘arbida yuz bergan yo‘l-transport hodisasi oqibatida yetti kishi halok bo‘ldi. Bu haqda “RIA Novosti” xabar berdi.
Xabar berilishicha, ikkita avtomobil to‘qnashib ketgan va olov ichida qolgan. Mashinalardan birida Rossiyaning davlat raqami bo‘lgani aytilgan.
Hudud mutasaddilari, politsiya va qutqaruvchilar hozircha hodisa haqida axborot bermagan. Ta’kidlanishicha, YTHning barcha ishtirokchilari hodisa joyida halok bo‘lgan. Tez yordam mashinasi hech kimni olib ketmagan. Jasadlarni politsiya olib ketgan.
Izoh (0)