“Liverpul” “Manchester Yunayted”ni tor-mor etdi, “Barselona” “Tottenhem”ni bazo‘r yutdi, “Manchester Siti” esa “Bavariya”ni mag‘lub etdi (video)
Yangi mavsumga tayyorgarlik ko‘rayotgan Yevropaning ko‘plab kuchli Xalqaro chempionlar kubogida qatnashmoqda. Musobaqa doirasida yana bir nechta uchrashuv bo‘lib o‘tdi.
Jumladan, Angliyaning ikki grandi — “Manchester Yunayted” hamda “Liverpul” o‘rtasidagi bahsda Klopp shogirdlari 1:4 hisobida g‘alaba qozondi. Mane, Starrij, Odjo hamda Shaqirining gollariga “Yunayted” faqatgina bir bor — Pereyraning goli bilan javob qaytardi, xolos.
Xosep Gvardiola boshchiligidagi “Manchester Siti” esa Niko Kovach boshliq “Bavariya”ni 3:2 hisobida mag‘lub etdi. “Siti” tarkibida Bernardu Silva dublga erishdi.
Kataloniyaning “Barselona” jamoasi esa Londonning “Tottenhem”i bilan kurash olib bordi. Asosiy vaqtda 2:2 hisobi qayd etilgan bo‘lsa, penaltilar seriyasida “Barselona” 5:3 hisobida g‘alaba qozondi.
Londonning “Chelsi”si Milanning “Inter” jamoasiga qarshi bahs olib bordi. Uchrashuv asosiy vaqtida 1:1 hisobi kuzatildi. Penaltilar bo‘yicha esa “Chelsi” 5:4 hisobida “Inter”dan ustun keldi.
“Benfika” hamda “Yuventus” uchrashuvining asosiy vaqti ham 1:1 hisobida yakuniga yetib, g‘olib penaltilar seriyasida aniqlandi. Turinliklar bu borada omadli chiqib, 2:4 hisobidagi g‘alabani tantana qildi.
Xalqaro chempionlar kubogi
28-29-iyul kungi uchrashuvlar
“Manchester Yunayted”—“Liverpul” 1:4
Gollar: 0:1 – 28, penalti Mane, 1:1 – 31 Pereyra, 1:2 – 66 Starrij, 1:3 – 74, penalti Odjo, 1:4 – 82 Shaqiri.
“Bavariya”—“Manchester Siti” 2:3
Gollar: 1:0 – 15 Shabani, 2:0 – 24 Robben, 2:1 – 45 Bernardu Silva, 2:2 – 51 Nmecha, 2:3 – 70 Bernardu Silva.
“Barselona”—“Tottenhem” 2:2 (penaltilar bo‘yicha 5:3)
Gollar: 1:0 – 15 Munir, 2:0 – 29 Artur, 2:1 – 73 Son Xyon Min, 2:2 – 75 Nkudu.
“Chelsi”—“Inter” 1:1 (penaltilar bo‘yicha 5:4)
Gollar: 1:0 – 8 Pedro, 1:1 – 49 Galyardini.
