Pepsi Superliganing 19-turidan o‘rin olgan “Navbahor”—“Paxtakor” uchrashuvida mezbonlar 1:0 hisobida g‘alaba qozondi. “Sherlar” ustozi Shota Arveladze uchrashuvdan keyingi fikrlari bilan bo‘lishdi.
Muxlislar bilan to‘lgan stadionda o‘ynash hamisha maroqli. Yanada ajoyib futbol muhitiga o‘ta yomon maydon halal bermoqda. Biz o‘yinda yaxshiroq ko‘rindik, mag‘lubiyatga loyiq emasdik. Vaziyatlarimiz ko‘p bo‘ldi. Gol o‘tkazib yuborgach, o‘n daqiqacha o‘zimizni yo‘qotib qo‘ydik. Oxirgi daqiqalarda yana imkoniyatlarni qo‘ldan chiqardik. Gollandiya, Angliya yoki Belgiyada xorijdan hakam taklif etishganini ko‘rmaganman. Bu yerda chet eldan hakam taklif etishga sabab bo‘ladigan nimalar ro‘y berganini bilmayman. Buni yaxshilash yoki yomonlash niyatida emasman. Stadionda sharoit ajoyib, ammo maydon holati uning yaxshi bo‘lishiga halal bermoqda. O‘zbekistonning bo‘lajak yulduzlari bu yerda jarohat olishlari mumkin. Turg‘unboyev nega jarohat olganini bilmaymiz, balki maydon sabab bo‘lgandir. Shunchaki barchasini yaxshi holatga olib chiqish kerak.Ma’lumot uchun mazkur o‘yinda bahraynlik Navaf Shukrulla boshchiligidagi hakamlar guruhi ishladi.Shota Arveladze, “Paxtakor” bosh murabbiyi
Izoh (0)