Turinning “Yuventus” klubi Kataloniyaning “Barselona”jamoasi tarbiyalanuvchisi Pablo Morenoni o‘z safiga qo‘shib olganini ma’lum qildi.
Kataloniya klubi tizimida 10 yildan beri to‘p surib kelayotgan Ispaniya yoshlar terma jamoasining 16 yoshli hujumchisi so‘nggi 6 mavsum davomida 200 dan ko‘proq gol kiritishga erishgan.
Endi esa Moreno “Yuventus” yoshlar jamoasida shug‘ullanadi.
“Yuventus” kelishuv shartlarini ma’lum qilmagan, ammo El Ideal ma’lumotlariga ko‘ra turinliklar Pabloni tarbiyalagani uchun “Barselona”ga bonuslarni bilan hisoblaganda 1 million yevro kompensatsiya to‘laydi.
Futbolchining o‘zi esa Turin klubi bilan 3 yillik shartnoma imzolagan. Pabloning yiliga 500 ming yevro maosh olishi ko‘zda tutilgan.
Izoh (0)