Tashqi savdo vazirligi 2018-yil birinchi yarmida O‘zbekiston bilan savdo hajmi eng yuqori bo‘lgan mamlakatlar o‘nligini e’lon qildi.
Unda birinchi o‘rinni Rossiya egalladi. Ushbu davlat bilan savdo aylanmasi 2 826 mln dollarni tashkil etgan. Eksport 1 022,4 million dollar, import 1 813 million dollarga teng bo‘ldi. Bu mamlakatning umumiy savdo aylanmasidagi ulushi 16 foiz.
Keyingi o‘rinda Xitoy bormoqda: savdo aylanmasi 2 811,3 million dollar, eksport 1 304,6 mln dollar, import 1 506,7 mln dollar. Umumiy savdo aylanmasidagi ulushi 15,9 foiz.
Uchinchi o‘rinda Qozog‘iston joylashdi: savdo aylanmasi 1 436,7 mln dollar, eksport 701,4 va import 735,3 million dollar. Umumiy savdo aylanmasidagi ulushi 8,1 foiz.
Keyingi o‘rinlardan Turkiya, Koreya, Afg‘oniston, Germaniya, AQSh, Latviya va Belarus joy oldi.
Vazirlik, shuningdek, 2018 -yilning birinchi yarmida O‘zbekiston tomonidan eksport qilingan mahsulotlar ro‘yxatini ham e’lon qildi.
Eng ko‘p eksport qilingan mahsulotlar orasida birinchi o‘rinda tabiiy gaz, keyingi o‘rinlarda meva-sabzavotlar va ip-paxta mahsulotlari joylashgan.
Eksportning umumiy hajmi 7 793 421,1 ming dollarni tashkil etgan.
Izoh (0)