Россия, Хитой ва Қозоғистон Ўзбекистоннинг энг йирик савдо ҳамкорларига айнланди

Ташқи савдо вазирлиги 2018 йил биринчи ярмида Ўзбекистон билан савдо ҳажми энг юқори бўлган мамлакатлар ўнлигини эълон қилди.

Унда биринчи ўринни Россия эгаллади. Ушбу давлат билан савдо айланмаси 2 826 млн долларни ташкил этган. Экспорт 1 022,4 миллион доллар, импорт 1 813 миллион долларга тенг бўлди. Бу мамлакатнинг умумий савдо айланмасидаги улуши 16 фоиз.

Кейинги ўринда Хитой бормоқда: савдо айланмаси 2 811,3 миллион доллар, экспорт 1 304,6 млн доллар, импорт 1 506,7 млн доллар. Умумий савдо айланмасидаги улуши 15,9 фоиз.

Учинчи ўринда Қозоғистон жойлашди: савдо айланмаси 1 436,7 млн доллар, экспорт 701,4 ва импорт 735,3 миллион доллар. Умумий савдо айланмасидаги улуши 8,1 фоиз.

Кейинги ўринлардан Туркия, Корея, Афғонистон, Германия, АҚШ, Латвия ва Беларусь жой олди.

Вазирлик, шунингдек, 2018 йилнинг биринчи ярмида Ўзбекистон томонидан экспорт қилинган маҳсулотлар рўйхатини ҳам эълон қилди.

Энг кўп экспорт қилинган маҳсулотлар орасида биринчи ўринда табиий газ, кейинги ўринларда мева-сабзавотлар ва ип-пахта маҳсулотлари жойлашган.

Экспортнинг умумий ҳажми 7 793 421,1 минг долларни ташкил этган.