Turizmni rivojlantirish departamenti Xorazm viloyati bo‘limi vakillari va qator sayyohlik tashkilotlari rahbarlaridan iborat delegatsiya Qozog‘istonda safarda bo‘lib turibdi. Bu haqda “Xalq so‘zi” xabar berdi.
Qo‘shni davlatga turizm sohasida hamkorlikni rivojlantirish, ushbu yo‘nalishda xorijiy sarmoyalarni jalb qilish maqsadida yo‘l olgan delegatsiya a’zolari Mangistau viloyati hokimiyati va mahalliy sayyohlik kompaniyalari vakillari bilan uchrashdi.
Xorazmning turistik salohiyati, viloyatning diqqatga sazovor joylari haqidagi ma’lumotlar, urf-odat va an’analar aks etgan videoroliklar, sohada yaratilgan soliq imtiyozlari va turistlarga taklif etilayotgan xizmat turlari haqida tayyorlangan taqdimot ishtirokchilarda qiziqish uyg‘otdi.
Qozog‘istonning boshqa viloyatlari bilan ham sayyohlik bo‘yicha qo‘shma loyihalarni amalga oshirish yuzasidan kelishib olindi.
Izoh (0)