Pokistonning Belujiston provinsiyasidagi saylovoldi mitingi vaqtida sodir bo‘lgan portlash qurbonlari soni 128 kishiga yetdi. Hodisa oqibatida 120 kishi jarohatlangan. Bu haqda Geo TV telekanaliga tayanib, “RIA Novosti” xabar qildi.
Oldinroq 70 kishi halok bo‘lgani xabar qilingandi. Qurbonlar orasida “Belujiston Avami” partiyasi yetakchisi Navabzoda Siray Raysoniy ham bor.
Telekanal xabariga ko‘ra, portlashni xudkush terrorchi sodir etgan. Dastlabki tergov xulosalariga ko‘ra, 16—20 kg portlovchi vositalar qo‘llanilgan.
Associated Press hodisa uchun javobgarlikni IShID o‘z zimmasiga olganini ma’lum qildi.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)