Sun’iy yo‘ldosh tasvirlari Qrimda o‘simlik dunyosi yo‘qolib borayotganini ko‘rsatdi

Sun’iy yo‘ldosh tasvirlarining ma’lumotlari Qrim yarimoroli hududida o‘simlik dunyosining holati sezilarli darajada yomonlashayotganini ko‘rsatgan. Bu haqda Ukrainaning vaqtincha egallangan hududlar va ichki ko‘chgan kishilar masalalari vazirligiga tayanib, “Korrespondent.net” xabar berdi.

Sun’iy yo‘ldosh yordamida 2016—2018-yillarda olingan tasvirlar ma’lumotlari yarimorolda o’simlik dunyosining sezilarli darajada kamayganini tasdiqlagan.

Ikki yil davomida faol biomassalar soni ko‘rsatkichi Qrimning bir nechta qismida eng past darajagacha tushgan. 2018-yilning iyun oyida 2016-yilning shu davriga nisbatan NDVI ko‘rsatkichi umumiy indeksining tushishi yarimorol hududida 23 foizni tashkil qilgan. 2018-yilda yog‘ingarchiliklar miqdorining kamayishi ham bu jarayaonga o‘z ta’sirini ko‘rsatgan.