12-iyul kuni soat 14:50da Toshkent shahrining Mirobod tumani, Oybek ko‘chasida joylashgan 9-qavatli uyning 1-qavatidagi go‘zallik salonida yong‘in yuz bergani haqida xabar olindi. Bu haqda IIBB matbuot xizmati xabar bermoqda.
Ikki o‘t o‘chirish mashinasi voqea joyiga qisqa fursatda yetib bordi. Ma’lum bo‘lishicha, yong‘in Bell clio salonining soyabonida kelib chiqqan. Tezkor harakatlar natijasida soat 15:08 da alanga jilovlanib, soat 15:09 da butunlay bartaraf etildi.
Alanga oqibatida uyning 2-7 qavatlaridagi deraza romlari zarar ko‘rdi. O‘t o‘chiruvchilarning tezkor harakatlari natijasida yong‘inning avj olib ketish xavfi oldi olindi.
Qurbonlar va jarohat olganlar yo‘q. Yong‘in sabablari o‘rganilmoqda.
Eslatib o‘tamiz, 12-iyul kuni deyarli shu paytda Toshkent shahrining Yunusobod tumanida joylashgan Cristal supermarketida ham yong‘in sodir bo‘lgandi.
Izoh (0)