O‘zbekiston Prezidenti Shavkat Mirziyoyev tashabbusi bilan joriy yilning 7-iyul kuni Sirdaryo viloyati Mirzaobod tumani Bog‘iston mahalla fuqarolar yig‘ini Yangiobod massivida ijtimoiy himoyaga muhtoj fuqarolar uchun namunaviy loyihalar asosida qurilgan arzonlashtirilgan uy-joylar 10 nafar kasanachi ayolga tantanali ravishda topshirildi. Bu haqda viloyat hokimligi axborot xizmati xabar bermoqda.
Tadbirda O‘zbekiston Respublikasi Bosh vaziri o‘rinbosari, Xotin-qizlar qo‘mitasi raisi Tanzila Norboyeva hamda viloyat hokimi G‘ofurjon Mirzayev ishtirok etdi.
“O‘zbekiston Xotin-qizlar qo‘mitasi raisi Tanzila Norboyeva yangi xonadon egalarini samimiy qutlab, ularga shaxsan xonadon kalitlarini topshirdi”, — deyiladi xabarda.
Shuningdek, tadbir davomida 10 ta nogironlik aravachalarining 4 tasi nogiron farzandlari bo‘lgan ehtiyojmand oila vakillariga, 6 tasi nogironligi bo‘lgan fuqarolarga topshirildi.
Izoh (0)