Dubay hukmdori eng yaxshi natijalarga erishgan maktab o‘quvchilarini qo‘ng‘iroq qilib tabrikladi

BAA vitse-prezidenti va Dubay hukmdori Shayx Muhammad bin Rashid al-Maqtum amirlikda 2017—2018-o‘quv yilida eng yaxshi natijalarga erishgan uch nafar maktab o‘quvchisini tabrikladi, deb yozadi UAEInside.

5-iyul, payshanba kuni amalga oshirilgan kutilmagan qo‘ng‘iroqda Shayx Muhammad uch o‘quvchi: Meyreya qizlar maktabida tahsil oluvchi Ariyam Xalifa Duxa al-Ka’biy va Tayma’ Keyer Alloh Muhammad Solih al-Xazaima va Alhilaliyaat qizlar maktabi o‘quvchisi Hojar Muhammad Ahmad al-Batanuniga o‘z tabriklarini yo‘lladi.

Shayx Muhammad yuqori sinf o‘quvchilarini ularning ajoyib natijalari bilan tabrikladi va kelajakdagi o‘qishlarida omadlar tiladi.

“Yuqori sinf o‘quvchilari quvonchini bo‘lishishdan xursandman. Ta’lim har doim hukumatning eng ustuvor vazifasi bo‘lib qoladi. Ilm-fan va ta’lim millat taraqqiyotining kalitidir. Kelajakka investitsiyalarimiz yoshlarni mohirlikning eng yuksak darajasiga erishishga tayyorlashdan boshlanadi. Yoshlar o‘z imkoniyatlarini maksimal darajada ochishida ko‘maklashish uchun harakatlarimizni ayamaymiz”, — dedi Shayx Muhammad.