7-iyul, shanba kuni Afg‘oniston janubida “ichki hujum” natijasida AQSh qurolli kuchlarining bir harbiy xizmatchisi halok bo‘ldi, ikki nafari yaralandi, deb yozadi “RIA Novosti” NATOning “Qat’iy ko‘mak” missiyasi press-reliziga tayanib.
Ahvoli barqaror deb baholanayotgan yarador harbiylarga ayni paytda tibbiy yordam ko‘rsatilmoqda. Ushbu ish bo‘yicha tekshiruv boshlandi. AQSh mudofaa vazirligi siyosatiga muvofiq, harbiy xizmatchining ism-sharifi uning yaqin qarindoshlari xabardor qilinganidan keyin bir kecha-kunduz o‘tmagunicha, oshkor qilinishi mumkin emas.
2014-yilda NATO mamlakatlari jangovar kontingenti Afg‘onistondan chiqarib ketilgan edi, va 2015-yil 1-yanvardan jangovar operatsiya o‘rniga, “Qat’iy ko‘mak” nojangovar operatsiyasi ishga tushirildi.
Izoh (0)