Ma’lumotlarga ko‘ra bir kunda Toshkent shahriga viloyatlarimizdan 4 mingdan ortiq avtoulovlar kirib keladi va aksincha. Poytaxtga eng ko‘p transport qatnovi Rohat aylanma yo‘li orqali amalga oshirilishi kuzatilgan. Bu haqda Toshkent shahar hokimligi axborot xizmati xabar beradi.
E’tibor bergan bo‘lsangiz ushbu aylanma yo‘lda ko‘plab tirbadliklar yuzaga kelar edi. Qolaversa, orangizda ushbu tirbandliklar ishtirokchilari bo‘lishi tabiiy. Buning asosiy sababi esa yo‘lning 3 yo‘lakdan iborat bo‘lganligi va poytaxtimizga tashrif buyuruvchilar hamda mehmonlarning soni yildan yilga oshib borayotganligidadir.
Toshkent shahar hokimligining tashabbusi bilan ushbu tirbadliklarni bartaraf etish choralari ko‘rilib keng ko‘lamdagi qurilish, ta’mirlash, obodonlashtirish ishlari boshlab yuborildi. Ushbu ishlar natijasida Rohat chorrahasida yuzaga kelayotgan noqulayliklar 3 kun ichida bartaraf etilib, 5 yo‘lakli aylanma yo‘l zamonaviy chorraha qiyofasiga keltiriladi.
Albatta, amalga oshirilayotgan ushbu qurilish ishlari avvalgilarining davomi sifatida yo‘llarning 5 yo‘lakli aylanma yo‘liga aylanishi, poytaxtimizga tashrif buyurayotgan mehmonlariga o‘zgacha sovg‘a bo‘ladi.
Vaqtinchalik yuzaga kelayotgan noqulayliklar uchun Toshkent shahar hokimligi shahrimiz aholisi hamda mehmonlaridan uzr so‘raydi!
Izoh (0)