Qoraqalpog‘istonda davlat ahamiyatidagi avtomobil yo‘li 20 kun ichida ta’mirlanib, foydalanishga topshirildi

Qoraqalpog‘istonning Amudaryo tumanida bir necha yillardan beri ta’mirtalab ahvolga kelib qolgan “Qipchoq — Mang‘it shahri — Turkmaniston chegarasi” davlat ahamiyatidagi avtomobil yo‘li 20 kun ichida ta’mirlanib, foydalanishga topshirildi. Bu haqda “Amunews.uz” xabar bermoqda.

Bosh pudratchi — “Taxiatosh yo‘l qurilish-ta’mirlash” davlat unitar korxonasi tomonidan ushbu yo‘lning Mang‘it shahriga kirishdagi 11,4 kilometr, shahar ichidagi 3 kilometr qismini rekonstruksiya qilishga jami 15,2 milliard so‘m mablag‘ sarflanib, unga 210 nafardan ortiq ishchi jalb qilindi.

Yo‘lning shahar ichidagi qismila tungi yoritgichlar va piyodalar yo‘lakchasi qurildi.

Mazkur yo‘lning foydalanishga topshirilish marosimiga Avtomobil yo‘llari davlat qo‘mitasi raisining o‘rinbosari – bosh muhandis Obid Odilov qatnashdi.