Қорақалпоғистоннинг Амударё туманида бир неча йиллардан бери таъмирталаб аҳволга келиб қолган «Қипчоқ — Манғит шаҳри — Туркманистон чегараси» давлат аҳамиятидаги автомобиль йўли 20 кун ичида таъмирланиб, фойдаланишга топширилди. Бу ҳақда «Amunews.uz» хабар бермоқда.
Бош пудратчи — «Тахиатош йўл қурилиш-таъмирлаш» давлат унитар корхонаси томонидан ушбу йўлнинг Манғит шаҳрига киришдаги 11,4 километр, шаҳар ичидаги 3 километр қисмини реконструкция қилишга жами 15,2 миллиард сўм маблағ сарфланиб, унга 210 нафардан ортиқ ишчи жалб қилинди.
Йўлнинг шаҳар ичидаги қисмила тунги ёритгичлар ва пиёдалар йўлакчаси қурилди.
Мазкур йўлнинг фойдаланишга топширилиш маросимига Автомобиль йўллари давлат қўмитаси раисининг ўринбосари – бош муҳандис Обид Одилов қатнашди.
Изоҳ (0)