Bugun, 24-iyun sanasida futbol bo‘yicha Rossiya maydonlarida bo‘lib o‘tayotgan Jahon Chempionatining 2-tur o‘yinlari yakuniga yetadi. Kun taqvimidan 3 ta o‘yin o‘rin olgandi.
Kunning ikkinchi o‘yini “H” guruhidagi dastlabki turda g‘alaba qozongan ikki jamoa — Yaponiya hamda Senegal termalari o‘rtasida kechdi.
Uchrashuvda 2:2 hisobidagi jangovar durang qayd etildi.
O‘yindagi hisob 11-daqiqada Sadio Mane tomonidan ochildi. Yaponlar bu golga Takashi Inuining 34-daqiqadagi aniq zarbasi bilan javob berdi. Birinchi bo‘lim 1:1 hisobidagi durang bilan tugadi.
Ikkinchi bo‘limdagi dastlabki gol ham afrikaliklar tomonidan kiritildi. Mussa Vage 71-daqiqada tabloga o‘z nomini yozdirib qo‘ydi. O‘yindagi so‘nggi golga 78-daqida Keysuke Honda mualliflik qildi.
2-turdan keyin ikkala jamoa hisobida ham birdek, 4 ochko mavjud. Guruhning ikkinchi uchrashuvi birozdan so‘ng Polsha hamda Kolumbiya termalari o‘rtasida kechadi.
Jahon Chempionati
“H” guruhi, 2-tur bellashuvi
24-iyun, yakshanba
Yaponiya—Senegal 2:2
Gollar: 1:0 — 11 Sadio Mane, 1:1 — 34 Inui, 2:1 — 71 Vage, 2:2 — 78 Honda.Yaponiya: Kavasima, Yosida, Nagatomo, Sakai, Sedzi, Shibasaki, Hasebe, Kagava (Honda 72), Haraguti (Okazaki 75), Inui (Usami 87), Osako.
Senegal: Ndiay, Sane, Vage, Sabali, Kulibali, Ndiaye (Ndoye 81), Guye, Sarr, Ndiaye (Kuyate, 65), Mane, Nyang (Diuf 86).
Ogohlantirishlar: Nyang (59), Inui (68), Sabali (90), Ndoye (90).
Izoh (0)