Bugun ijtimoiy tarmoqlarda, norasmiy axborot sahifalarida, Anvar qori Tursunovning vafot etganliklari haqida mutlaqo asossiz va yolg‘on xabar tarqatildi. O‘zbekiston musulmonlari idorasi Toshkent shahar vakilligining ma’lum qilishicha, ayni damda ustoz Anvar qori Tursunov hayotlar.
O‘zbekiston milliy axborot agentligi ham Sog‘liqni saqlash vazirligi matbuot xizmatiga asoslanib, tarqalgan ushbu xabarlar yolg‘on ekanligini ma’lum qildi. “Anvar qori Tursunovning vafot etgani haqidagi xabarlar yolg‘on, lekin uning ahvoli ayni paytda og‘ir, muolajalar esa davom etmoqda”, — deyiladi xabarda.
Anvar qori Tursunov oilasi bilan yaqin aloqada bo‘lgan yana bir manba, taniqli shoir Muhammad Ismoilning ta’kidlashicha, “Bugun ijtimoiy tarmoqlarda qorining hayoti bilan bog‘liq e’lon qilingan ma’lumotlar hech qanday asosga ega emas. Bunday asossiz xabarlar jamoatchilikni chalg‘itmoqda”, — deya xabar bergan.
Eslatib o‘tamiz, Anvar qori Tursunov joriy yilning aprel oyida mikroinsultni boshidan o‘tkazgan edi. O‘tgan hafta ham qorining vafot etganli haqida xabarlar tarqalgan va ular asossiz bo‘lib chiqqan edi.
Izoh (0)