“Manchester Yunayted” tarbiyalanuvchisi, angliyalik futbolchi Markus Reshford “Barselona”ga ijara asosida o‘tishga yaqin turibdi. Barça Universal nashri jurnalisti Migel Rikoning xabar berishicha, tomonlar 2026-yil iyungacha mo‘ljallangan shartnoma bo‘yicha kelishuvga erishgan.
Unga ko‘ra, “Barselona” futbolchi ijaraga oladi. Shuningdek, bitimga keyinchalik to‘liq xarid qilish bandi ham kiritiladi. Biroq agar kataloniyaliklar bu bandni faollashtirmasa, ular “Manchester Yunayted”ga 5 million yevro miqdorida kompensatsiya to‘lashi kerak bo‘ladi.
Ma’lum bo‘lishicha, Reshford yangi klubda o‘ynash imkoniyatini qo‘lga kiritish uchun maoshining 30 foizga qisqarishiga rozi bo‘lgan. Shunga qaramay, u har yili taxminan 14 million yevro ishlab oladi. To‘liq transfer amalga oshirilgan taqdirda, “Barselona” futbolchini 30–35 million yevro atrofidagi summaga sotib oladi.
Eslatib o‘tamiz, Markus Reshford — “Manchester Yunayted” akademiyasining tarbiyalanuvchisi. U o‘tgan mavsumning ikkinchi yarmida “Aston Villa” safida ijarada o‘ynagan. Uning mankunianliklar bilan shartnomasi 2028-yil yoziga qadar amal qiladi. Transfermarkt portali Reshfordning qiymatini 50 million yevroga baholamoqda.
Izoh (0)