AQSh prezidenti Donald Tramp Federal qidiruv byurosi 2016-yilda bo‘lib o‘tgan prezidentlik saylovlari vaqtida o‘zining saylovoldi shtabiga josus joylashtirganiga ishonchi komil ekanligini bildirdi. Bu haqda Fox News telekanaliga tayanib, “Kommersant” xabar berdi.
“Ularning odamlari bizning kampaniyamizga kirib borgan edi. Tasavvur qilib ko‘ring, odamlari bizning kompaniyamizga kirib olardi?”, — deydi prezident Tennessi shtatidagi chiqishida.
Amerika OAVlari may oyida “Rossiya ishi” bilan shug‘ullanayotgan maxsus prokuror Robert Myuller prezidentga berishni istagan 44 ta savolning ro‘yxatini e’lon qilgandi. Ushbu savollar prezidentning saylovoldi kampaniyasiga, Trump Organization kompaniyasining Rossiya fuqarolari va firmalariga aloqasi, shuningdek, bo‘lajak prezident o‘z yuristlari faoliyati bilan, xususan, Maykl Koen haqida qanchalik batafsil ma’lumotga ega bo‘lganligiga doir edi.
Keyinroq Donald Tramp tergovning adolatli deya hisoblaganida maxsus prokuror bilan uchrashgan bo‘lishi mumkinligini ma’lum qilgan.
Izoh (0)