Suriyada Rossiyaning 4 nafar harbiy maslahatchisi halok bo‘ldi. Bu haqda “RIA Novosti” xabar bermoqda.
“Suriya batareyasi o‘t ochishini boshqarayotgan rossiyalik ikki harbiy maslahatchi voqea joyida halok bo‘ldi. Yana 5 nafar harbiy xizmatchi yaralandi va gospitalga yetkazildi. Ulardan ikki nafarini qutqarishning iloji bo‘lmadi”, — deyiladi Rossiya mudofaa vazirligi xabarida.
Vazirlikka ko‘ra, terrorchilarning bir necha mobil guruhi tunda Dayr az-Zavr viloyatida hukumat qo‘shinlari artilleriya batareyasiga hujum uyushtirdi. Jang bir soat atrofida davom etdi.
Suriyalik harbiylar va rossiyalik harbiy maslahatchilar 43 nafar jangari va yirik kalibrli qurol o‘rnatilgan 6 ta avtomobilni yo‘q qilishga muvaffaq bo‘ldi.
Izoh (0)