Сурияда Россиянинг 4 нафар ҳарбий маслаҳатчиси ҳалок бўлди. Бу ҳақда «РИА Новости» хабар бермоқда.
«Сурия батареяси ўт очишини бошқараётган россиялик икки ҳарбий маслаҳатчи воқеа жойида ҳалок бўлди. Яна 5 нафар ҳарбий хизматчи яраланди ва госпиталга етказилди. Улардан икки нафарини қутқаришнинг иложи бўлмади», — дейилади Россия мудофаа вазирлиги хабарида.
Вазирликка кўра, террорчиларнинг бир неча мобил гуруҳи тунда Дайр аз-Завр вилоятида ҳукумат қўшинлари артиллерия батареясига ҳужум уюштирди. Жанг бир соат атрофида давом этди.
Суриялик ҳарбийлар ва россиялик ҳарбий маслаҳатчилар 43 нафар жангари ва йирик калибрли қурол ўрнатилган 6 та автомобилни йўқ қилишга муваффақ бўлди.
Изоҳ (0)