Iroq poytaxti Bag‘dod shahridagi bog‘da yuz bergan terakt oqibatida eng kamida yetti kishi halok bo‘ldi, yana 16 kishi jarohatlandi, deb xabar beradi “Interfaks”.
Portlovchi uskunani xudkush-terrorchi harakatga keltirgan.
Qayd etilishicha, politsiyachilar uni bog‘ga kiraverishda to‘xtatgan. Biroq terrorchi bombani harakatga keltirishga ulgurgan edi. Agar u bog‘ning ichiga kirib borganida qurbonlar soni ko‘proq bo‘lar edi.
Hozirga qadar birorta terrorchilik tashkiloti hodisa javobgarligini o‘z zimmasiga olmagan.
Izoh (0)