O‘zbekiston Prezidenti Shavkat Mirziyoyev AQShni Afg‘onistonda yangi temir yo‘l qurilishini qo‘llab-quvvatlashga chaqirdi, chunki bu loyiha Markaziy Osiyoning geostrategiyasini va geoiqtisodiyotini o‘zgartirishga qodir. Bu haqda O‘zbekiston Oliy Majlisining Senati raisining birinchi o‘rinbosari Sodiq Safoyev aytib o‘tdi, deb yozadi Sputnik.
Uning ta’kidlashicha, AQShning Jahon banki, Osiyo taraqqiyot banki, Yevropa banki kabi moliyaviy tuzilmalarga ta’siri juda katta.
Safoyevning fikricha, “Mozori Sharif — Hirot” yangi temir yo‘li qurilishi loyihasi faqat Afg‘oniston uchun strategik ahamiyatga ega emas, balki uning amalga oshirilishi butun Markaziy Osiyoning geostrategiyasini va geoiqtisodiyotini o‘zgartirishga qodir hamda Afg‘onistonda barqarorlikni va tinchlikni ta’minlashda hal qiluvchi omillardan biriga aylanishi mumkin.
Senat raisi o‘rinbosari qayd etishicha, Amerika tomoni ijroiya organlari va iqtisodiy tuzilmalar vakilligida loyihani qo‘llab-quvvatlagan.
O‘zbekiston va Afg‘oniston “Mozori Sharif – Shibirg‘on – Maymana – Hirot” temir yo‘lini barpo etish haqidagi bitimni 2017-yil dekabrda imzolagan edi.
Izoh (0)