Sankt-Peterburgdagi Pulkovo aeroportida O‘zbekiston kuni nishonlandi, deb xabar qilmoqda Sputnik aeroport matbuot xizmatiga tayanib.
Tadbir “O‘zbekiston havo yo‘llari” kompaniyasi va Sankt-Peterburg aeroporti hamda “Aerotur” kompaniyasi hamkorligida tashkil qilindi.
Mehmonlarga Registon majmuasi tasvirlangan plakat oldida suratga tushish, O‘zbekiston mevalari va taomlaridan tatib ko‘rish taklif qilindi.
Yo‘lovchilar oldida “O‘zbekiston havo yo‘llari” vakili Zafar Saidazimov va aeroport mutaxassisi Anna Nikiforova nutq so‘zladi.
Tadbirning rasmiy qismi yakunlanganidan so‘ng mehmonlar oldida “Bahor” ansambli o‘zbek milliy raqslaridan ijro etdi, aeroport tarixida ilk bor o‘zbek milliy liboslari namoyish qilindi.
Aeroport zalida jamlangan yo‘lovchilarda ushbu tadbir katta qiziqish uyg‘otdi, ular ayniqsa O‘zbekistonga uyushtiriladigan sayyohlik dasturlari bilan qiziqdi, deyiladi xabarda.
Izoh (0)