Qashqadaryo viloyatidagi “Lochin” bolalar dam olish oromgohida O‘zbekiston yoshlar ittifoqi va “Kamalak” bolalar tashkiloti sardorlarining navbatdagi anjumani o‘z ishini boshladi. Bu haqda “Daryo”ga anjuman mediaguruhi a’zosi Hojiakbar Pattoyev ma’lum qildi.
Tadbir ishtirokchilari Qarshi shahridagi vokzalda tantanali kutib olindi. Shundan so‘ng ular avtobuslar karvonida Shahrisabzdagi Amir Temur xiyoboniga yo‘l oldi. Bu yerda O‘zbekistonda ilk bor bolalar paradi bo‘lib o‘tdi.
Oromgohga 800 nafarga yaqin sardor jamlandi. Ularga tajribali trenerlar, faol yoshlar, o‘z kasbining mutaxasislari, OAV vakillari hamrohlik qiladi.
Anjuman doirasida respublika o‘quv-seminari, “Eng namunali hududiy sardorlar kengashi” tanlovi, madaniy dasturlar, sport musobaqalari, turli to‘garaklar hamda bolalarning intellektual salohiyatini oshirishga xizmat qiladigan bellashuvlar tashkil etilishi belgilangan.
Mazkur tadbir 24-may kuniga qadar davom etadi.
Izoh (0)