KXDR vakillari Pxungeri yadroviy poligonining yopilish marosimiga borishni istagan Janubiy koreyalik jurnalistlarning har biridan 10 ming dollar talab qilmoqda, deb xabar beradi “TASS”.
“Shimoliy Koreyaning Pekindagi elchixonasi har bir jurnalistdan viza chiqimlari uchun 10 ming dollardan so‘radi”, — deydi manba. Uning so‘zlariga ko‘ra, shu sababli Janubiy Koreya katta ehtimol bilan o‘z muxbirlari KXDRga yubormaydi.
Avvalroq, Pxenyan Pxungeri yadroviy poligonining yopilishini yoritish uchun sakkiz nafar Janubiy koreyalik jurnalistni mamlakatga taklif qilgani haqida xabarlar tarqalgandi.
Marosimga tashrif buyuruvchi jurnalistlarga KXDRning Xitoydagi elchixonasida viza va tegishlu hujjatlar taqdim etiladi, chunki Shimol va Janub o‘rtasida hamon diplomatik munosabatlar o‘rnatilmagan.
Izoh (0)