O‘zbekistondagi eksportchi kompaniyalar gilosning eksport narxi bo‘yicha yakdil xulosaga keldi. Bu haqda, “O‘zbekozikovqatxolding” matbuot xizmatiga tayanib, Sputnik ma’lum qildi.
“Birgalikda olib borilgan sinchkov izlanishlar natijasida barcha tomon bir fikrga keldi: bu yil O‘zbekistondan eksport qilinadigan gilosning eng kam narxi kilogrammiga 4 dollar bo‘lishi kerak. Ushbu narx bizga yaqin joylashgan bozorlar uchun amal qiladi va MDH bozorlarida oldingi yillarda paydo bo‘lgan sotuv tizimini saqlab qolish imkonini beradi”, — deyilgan xabarda.
Ekspertlar fikriga ko‘ra, ushbu narx o‘zbek gilosi narxini dunyo bozori narxlariga yaqinlashtiradi. O‘zbekistonda yetishtirilgan mevalarning sifati va ekologik tozaligi xorijiy xaridorlarda shubha uyg‘otmaydi.
Ma’lumot uchun, bugungi kunda O‘zbekiston gilos eksporti bo‘yicha dunyoda beshinchi o‘rinni egallab turibdi. Eksport hajmi yiliga 100 ming tonnani tashkil etadi.
Izoh (0)