Rossiyaning koinotni nazorat qilish tizimi Yer atrofidagi orbitada Amerika tizimi katalogida qayd etilganidan ko‘ra ko‘proq yo‘ldosh va chiqindilarni “ko‘radi”. Bu haqda Rossiya kosmik nazorat tizimi konstruktori Viktor Shilin ma’lum qildi, deb yozmoqda “RIA Novosti”.
NASA va NORAD ma’lumotlariga ko‘ra, Amerika katalogida qariyb 19 mingta obyekt, shu jumladan, besh mingta faoliyatdagi va ishdan chiqqan sun’iy yo‘ldosh mavjud, qolganlari esa kosmik chiqindilar hisoblanadi.
Ekspert tomonidan keltirilgan ma’lumotlarga ko‘ra, Rossiya nazorat tizimining katalogida Yerning pastki orbitasida o‘lchami 20 santimetrdan katta bo‘lgan yetti mingta obyekt mavjudligi, shuningdek, yuqori orbitada o‘lchami 20—40 santimetr bo‘lgan olti mingta obyekt borligi qayd etilgan.
Izoh (0)