Yerga “g‘oyib bo‘lgan” 2010 WC9 asteroidi yaqinlashmoqda, deb yozadi “RIA Novosti” Britaniyaning Northolt Branch observatoriyasi xodimlariga tayanib.
2010 WC9 birinchi marta 2010-yil 30-noyabrda Arizonada Katalina osmon kuzatuvi yordamida aniqlangan edi. Astronomlar kosmik obyektni 1-dekabrga qadar kuzatdi, xolos, shundan keyin u ko‘zdan g‘oyib bo‘ldi. Qariyb sakkiz yildan keyin Amerika observatoriyasi xodimlari 2010 WC9’ni yana qayd etdi.
Osmon jismi bilan yaqinlashuv 16-may kuni Toshkent vaqti bilan 03:05 da yuz beradi. 2010 WC9 Yerga 203 ming kilometr masofada yaqin keladi, uning tezligi soatiga 46 ming kilometrga teng bo‘ladi. Obyektning diametri 60—130 metr atrofida.
Izoh (0)