Bugun, 12-may sanasida Germaniya bundesligasida so‘nggi 34-bellashuvlari bilan navbatdagi mavsum yakuniga yetdi.
So‘nggi turga qadar birinchi va ikkinchi o‘rinni “Bavariya” va “Shalke-04” egallashi ma’lum bo‘lib ulgurgan edi.
Oxirgi tur uchrashuvida 4-o‘rin uchun kurashayotgan “Xoffenxaym” o‘zidan uch ochko ko‘p jamg‘argan “Borussiya D”ga qarshi kurash olib bordi. Yulian Nagelsmann boshchiligidagi “Xoffenxaym” dortmundliklarni 3:1 hisobida mag‘lub etib, Bundesligada 3-o‘rinni, shu bilan birga Yevropa Chempionlar Ligasida ishtirok etish uchun yo‘llanmani qo‘lga kiritdi.
“Xoffenxaym” bilan bir xil 52 ochko jamg‘argan “Bayer Leverkuzen” esa o‘z uyida “Gannover”ni qabul qildi. Leverkuzenliklar g‘alaba qozonganligiga qaramay, 5-o‘rindan joy oldi va Yevropa Ligasida ishtirok etadigan bo‘ldi.
“Gamburg” esa ilk marta Bundesligani tark etadigan bo‘ldi.
Bundesligada o‘rinlar taqsimoti quyidagicha ko‘rinish olgan:
- 1—4-o‘rinlar Yevropa Chempionlar Ligasi — “Bavariya”, “Shalke-04”, “Xoffenxaym”, “Borussiya D”;
- 5—6-o‘rinlar Yevropa Ligasi — “Bayer Leverkuzen”, “Leypsig”;
- 16-o‘rin Pley-offda ishtirok etadi — “Volfsburg”;
- 17—18-o‘rin Bundesligani tark etdi — “Gamburg”, “Kyoln”.
Bundesliga
34-tur bellashuvlari
12-may, shanba
“Bavariya” — “Shtutgart” 1:4
Gollar: 0:1 – 5 Ginchek, 1:1 – 21 Tolisso, 1:2 – 42 Donis, 1:3 – 52 Akolo, 1:4 – 55 Ginchek.“Xoffenxaym” — “Borussiya D” 3:1
Gollar: 1:0 – 26 Kramarich, 1:1 – 58 Roys, 2:1 – 63 Salai, 3:1 – 73 Kaderjabek.“Gerta” — “Leypsig” 2:6
Gollar: 0:1 – 2 Upamekano, 1:1 – 4 Ibishevich, 1:2 – 8 Lukman, 1:3 – 22 Ogyusten, 1:4 – 49 Verner, 1:5 – 54 Ogyusten, 2:5 – 64 Kalu, 2:6 – 82 Bruma.“Frayburg” — “Augsburg” 2:0
Gollar: 1:0 – 49 Xefler, 2:0 – 65 Klyayndinst.“Shalke-04” — “Ayntraxt F” 1:0
Gol: 1:0 – 26 Burgshtaller.“Bayer Leverkuzen” — “Gannover” 3:2
Gollar: 1:0 – 3 Alario, 2:0 – 18 Alario, 3:0 – 55 Brandt, 3:1 – 90 Fyullkrug, 3:2 – 90 Xarnik.“Gamburg” — “Borussiya M” 2:1
Gollar: 1:0 – 11, penalti Xunt, 1:1 – 28 Drmich, 2:1 – 63 Xoltbi.“Mayns” — “Verder” 1:2
Gollar: 1:0 – 12 Gbamen, 1:1 – 23 Kayns, 1:2 – 79 Gebre Selassiye.“Volfsburg” — “Kyoln” 4:1
Gollar: 1:0 – 1 Gilavogi, 1:1 – 32 Xektor, 2:1 – 54 Origi, 3:1 – 71 Knoxe, 4:1 – 90 Brekalo.
Izoh (0)