Tashkent City markazidagi qabrlar, Kim Chen In bilan qachon va qayerda uchrashishini e’lon qilgan Tramp, Rayhonga berilmagan AQSh vizasi va kunning boshqa muhim xabarlari

10-mayning e’tiborga molik yangiliklari — “Daryo”ning kechki dayjestida.

1. Shavkat Mirziyoyev 15—17-may kunlari ilk rasmiy tashrif bilan AQShda bo‘ladi. Rasmiy tashrif yakunida ikki mamlakat Prezidentlari “O‘zbekiston va Amerika Qo‘shma Shtatlari: strategik sheriklik yangi davrining boshlanishi” deb nomlangan Qo‘shma bayonotni imzolashi kutilmoqda.

2. AQSh prezidenti Donald Tramp va KXDR yetakchisi Kim Chen In 12 iyun kuni Singapurda uchrashadi. Bu haqda Tramp tvitterida yozib qoldirdi.

3. O‘zbekistonda kuchsiz yer silkinishi qayd etildi. Ma’lumotlarga ko‘ra, zilzila epitsentri Afg‘onistonning Hindikush tog‘larida joylashgan. 9 may kuni ham Hindikushdagi zilzila kuchi O‘zbekistonda sezilgan edi.

4. Samarqandda ustiga darvoza qulab tushgan o‘quvchi vafot etdi. Voqea yuzasidan Samarqand shahar prokuraturasi tomonidan tergov surishtiruv ishlari olib borilmoqda.

5. Reuters: O‘zbekiston “O‘zbekiston havo yo‘llari”ni xususiylashtirishga tayyor, ammo oltin va neft ustidan nazoratni saqlab qolmoqchi. Shuningdek, Investitsiyalar bo‘yicha davlat qo‘mitasi vakili Sardor Sa’dullayev energetika tarmog‘ini ham izohladi.

6. Tashkent City’ning qoq markazidagi qabrlar taqdiri nima bo‘ldi? Tashkent City’ning qoq markazida xalq orasida “Eshonzodalar sag‘anasi” nomi bilan mashhur bo‘lgan qabrlar bor.

7. Shayxontohurdagi “Mumtoz” to‘yxonasi buziladi. Avvalroq Tashkent City qurilishi munosabati bilan “Ezidyor” restorani buzilishi haqida xabar berilgan edi.

8. AQSh elchixonasi xonanda Rayhonga viza berishdan bosh tortdi. “Biz o‘zimiznikilarni xursand qilmoqchi edik, afsuski buni huquqbuzarlik deb topishdi va viza berishni rad etishdi”.