Joriy yilning 23-aprelidan 1-may kuniga qadar ijtimoiy tarmoqlarda Davlat budjetining g‘azna ijrosi bo‘yicha so‘rov o‘tkazildi, deya xabar bermoqda Moliya vazirligi matbuot xizmati.
So‘rov O‘zbekiston Respublikasi Moliya vazirligining Facebook ijtimoiy tarmog‘idagi rasmiy sahifasiga hamda Telegram messenjerining @minfinuzb kanaliga joylashtirildi.
Ushbu so‘rovda jami 2346 respondent qatnashdi.
Qabul qilingan javoblar natijasida respondentlarning 73,7 foizi budjet tashkilotlari uchun xaridlarning eng yuqori bahosini belgilab qo‘yish yo‘li bilan oziq-ovqat narxlarini tartibga solish amaliyotiga ijobiy baho berishi ma’lum bo‘ldi.
54,5 foiz respondentlar 2018-yilda budjet tashkilotlarining olingan tovar (ish, xizmatlar) uchun yetkazib beruvchilarga o‘z vaqtida to‘lovlarning amalga oshirilishi va budjet tashkilotlari xodimlarining oylik ish haqlarini o‘z vaqtida to‘lab berilishi yuzasidan ijobiy siljishlar kuzatilayotganini ta’kidlab o‘tdi.
So‘rov qatnashchilarining 64 foizi mutaxassislarning ko‘rsatayotgan xizmatlari qisman qoniqtirishini ta’kidladi.
Izoh (0)