O‘zbekiston diplomatlari Rossiyaning AQShdagi elchixonasida o‘tkazilgan tantanali qabul marosimida qatnashdi

9-may kuni Rossiyaning AQShdagi elchixonasida bo‘lib o‘tgan tantanali qabul marosimida 20 ga yaqin mamlakat vakillari qatnashdi, deb yozadi Sputnik.

Tadbirda Xitoy, Qozog‘iston, Qirg‘iziston, Turkmaniston, O‘zbekiston, Iroq, Peru, Armaniston va Nikaragua elchilari ishtirok etdi. Bundan tashqari, u yerga Tojikiston, Ozarbayjon, Belarus, Italiya, Venesuela, Gonduras, Bosniya va Kipr elchixonalari vakillari tashrif buyurdi.

Mehmonlar orasida diplomatlardan tashqari, AQShda yashovchi rekonstruktorlar ham bor edi. Asli Rossiya va MDH mamlakatlaridan bo‘lgan shaxslar, shuningdek, amerikaliklar Ikkinchi jahon urushi davridagi sobiq ittifoq askarlari kiyimida keldi.

Yig‘ilganlarni Rossiyaning AQShdagi elchisi Anatoliy Antonov bayram bilan tabrikladi.