“Ustyurt nayzalari” haqida eshitganmisiz?

Ustyurtda avvallari arxeologlar tomonidan hech qayerda qayd etilmagan qadimiy majmua — “Ustyurt nayzasi” mavjud. Ushbu majmua toshlar yordamida 80 santimetr balandlikda qadar ko‘tarilgan, deb xabar beradi “MyTashkent.uz”.

Majmua asosi qopdan chiqayotgan yorqin qinli ikkita nayzani eslatadi. Har bir nayzaning uzunligi 800—900 metrni, eni esa 400—600 metrni tashkil etadi va ularning barchasi shimoli-sharqqa yo‘nalgan. Bundan nima maqsad ko‘zlangani hamon noma’lumligicha qolmoqda.

Ushbu nayzaralarni yerdan turib ko‘rib bo‘lmasligi sabab, ular 1986-yildagina aero suratga olish vaqtida aniqlangan. Taxminlarga ko‘ra, ushbu majmuadan suv yig‘ish yoki qoramolchilik maydoni sifatida foydalanish maqsad qilingan bo‘lishi mumkin. Biroq yana bir qiziqarli taxmin mavjud.

Arxeologlarning aniqlashicha, nayzalar bu yerda mahalliy aholi ko‘chib kelishidan ancha oldin qurilgan. Arxeologik qazilma ishlari vaqtida mazkur hududdan baliqlarning skeletlari topilgan. Bu esa ushbu hudud dengiz tubi bo‘lganligidan dalolat beradi. Keyinchalik suv shimoli-sharqqa qarab chekingan, ya’ni nayzalar ko‘rsatib turgan tomonga. Shundan taxmin qilish mumkinki, nayzalar suvning chekinish yo‘nalishini ko‘rsatadi.