Poytaxt hokimiyati bilan tadbirkorlar, shuningdek, mahalliy aholi o‘rtasidagi kelishmovchilikka sabab bo‘layotgan Sergeli yarmarkasining taqdiri 9-maydan so‘ng hal etiladi. Bu haqda Sputnik xabar berdi.
2017-yilning noyabrida hokim qaroriga binoan Sergeli tumanidagi eng talabgir yarmarkani bosiqchma-bosqich buzib tashlash ishlari boshlangandi. Dastlab dehqon bozori buzilgan bo‘lib, uning ichida faoliyat ko‘rsatgan savdogarlar Sergeli-6 massividagi bozoriga ko‘chirilgandi.
Ushbu qarorning to‘g‘riligi o‘sha vaqtdayoq shubha tug‘dirgan, chunki Sergeli-6 massivining transport infratuzilmasi bu kabi o‘zgarishlarga tayyor bo‘lmagan. Bozor yonidan o‘tuvchi tor yo‘lak shundoq ham Sirg‘ali avtomobil bozoriga tashrif buyuruvchilar sabab doim to‘la bo‘lgan. Dam olish kunlari esa katta tirbandliklarni keltirib chiqaradi.
Ikkinchi bosqichda esa hokimiyat xususiy tadbirkorlarning savdo nuqtalarini buzishni boshlangan, bunda hatto ularga buzish ishlari, kompensatsiyalar va keyinchalik qayerga ko‘chirishlari haqida batafsil ma’lumot berilmagan. Tabiiyki, bu holat kichik biznes vakillarining noroziligini keltirib chiqarmoqda.
“Sergeli tumani hokimi Toshkent shahar hokimini vaziyat bilan tanishib ko‘rish uchun bu yerga tashrif buyurishni so‘radi. Bu jiddiy masala. Bayram o‘tib olsin, boramiz va muammoni joyida hal etamiz”, — deydi poytaxt hokimining birinchi o‘rinbosari Nodirjon Maksumov.
Izoh (0)