26 апрель куни «Binket Group» фабрикасининг тантанали очилиши бўлиб ўтди. Тадбир Тошкент шаҳри Сергели туманида жойлашган фабрика ҳудудида ўтказилди.
«Binket Group» МЧЖ ҚК 2016 йилнинг март ойида хоналараро эшиклар ва корпус мебеллари ишлаб чиқаришга ихтисослашган фабрикани қуриш ишларини бошлаб юборган эди.2018 йилнинг апрелида фабриканинг узоқ кутилган тантанали очилиш маросими бўлиб ўтди. Бугунги кунда Binket Group Марказий Осиё минтақасидаги шунга ўхшаш корхоналарнинг энг йириги сифатида тан олинган. Фабрика 8 гектар ҳудудда жойлашган бўлиб, 23 000 квадрат метр ишлаб чиқариш ҳудуди ҳамда кунига 1000 та эшик ишлаб чиқариш қувватига эга.
Фабриканинг қурилиши ва ускуналарни етказиб берилиши билан ёғочни қайта ишлаш бўйича илғор саноат технологиялари бозорида етакчи ўринни эгаллаб турган Италиянинг «SSМ Group» компанияси шуғулланди. Замонавий италян ускуналари туфайли эшик блокларини серияли ишлаб чиқариш йўлга қўйилди.
Фабриканинг очилиш маросимига 200 нафардан ортиқ меҳмон таклиф қилинди, унда Италия, Германия, Украина ва Россиядан келган компаниянинг хорижий ҳамкорлари, шаҳар маъмурияти вакиллари, бизнес сектори вакиллари, ОАВ ва истеъмолчилар гуруҳи қатнашди.
Изоҳ (0)