O‘FA hakam Olim Tolibjonovni Pro-Liga o‘yinlaridan noma’lum muddatga chetlashtirdi. Bu haqda tashkilot rasmiy saytida xabar berildi.
Qayd etilishicha, Olim Tolibjonov Pro-Liganing 3-tur doirasida “G‘ijduvon” – “Iftixor” uchrashuvini boshqargan. Uning o‘yinlardan chetlatilishiga mazkur bellashuvdagi harakatlari uchrashuv nazoratchi hakami Shamil Jumayev tomonidan yana 2 ballga (“4”) baholanishi sabab bo‘lgan.
O‘yin nazoratchi hakamining bildirgisiga binoan Hakamlar va nazoratchilar qo‘mitasi ushbu masalani o‘rganib chiqdi va “Hakamlarning tartib-intizom kodeksi”ga binoan qaror chiqardi. Unga ko‘ra, Olimjon Tolibjonov noma’lum muddatga Pro-Liga o‘yinlaridan chetlashtirildi.
Bu Olim Tolibjonovning birinchi marta o‘yinlarda chetlatilishi emas. O‘tgan mavsumda Tolibjonov “Sho‘rtan” – “Navbahor” uchrashuvini boshqarib, yakunda nazoratchi Alisher Abdullayev tomonidan qoniqarsiz (4,0) baho olgan. Hakamlar va nazoratchilar qo‘mitasi qaroriga binoan O‘zbekiston chempionati, birinchiligi va O‘zbekiston Kubogi o‘yinlari doirasidagi 10 ta o‘yinga chetlatilgandi.
Izoh (0)