“Liverpul” bugun Chempionlar Ligasi finali uchun “Roma”ga qarshi jang qiladi, UzReport esa o‘yinni jonli efirda namoyish etadi

Bugun, 24-aprel sanasida Yevropa Chempionlar Ligasi yarim finalining dastlabki uchrashuvi bo‘lib o‘tadi.

Unda 1/4 finalda Pep Gvardiolaning “Manchester Siti”sini mag‘lub etgan Yurgen Klopp boshchiligidagi “Liverpul”, “Barselona”ni yutib, katta sensatsiya ko‘targan Rimning “Roma” jamoasiga qarshi maydonga tushadi. Uchrashuv Toshkent vaqti bilan 23:45 da boshlanadi.  Bellashuv UzReport telekanali tomonidan jonli efirda namoyish etiladi.

Qur’aga ko‘ra yarim finalning dastlabki o‘yinlari 24—25-aprelda, javob bahslari 1—2-may kunlari o‘tkazilishi belgilangan. Final 26-may kuni Kiyevdagi “Olimpiyskiy” stadionida bo‘lib o‘tishi rejalashtirilgan.