19-aprel sanasida boshlangan O‘zbekiston Superligasi 7-tur bahslariga yakun yasaldi.
21-aprel sanasida ikki uchrashuv bo‘lib o‘tishi belgilangan edi.
Ulardan birinchisi Qo‘qonda bo‘lib o‘tdi. Unda mezbon “Qo‘qon-1912” jamoasi Osiyo Chempionlar Ligasidagi ishtirokini yakunlab, bor e’tiborini Superligasiga qaratishga majbur bo‘lgan Qarshining “Nasaf” jamoasiga qarshi maydonga tushdi. O‘yin tomonlarning 0:0 hisobidagi golsiz durangi bilan yakunlandi. O‘yin Sport-TV telekanali orqali jonli efirda namoyish etilishi lozim edi.
“Championat.asia” nashri o‘yin nima sababdan jonli efirda uzatilmaganiga aniqlik kiritdi. Sport-TV telekanali xodimi nashrga quyidagicha tushuntirish bergan: “Afsuski, mamlakatimizdagi hamma stadionlarda ham stadionlardan signal uzatadigan optik tolali kabel yo‘q. Qo‘qondagi stadion viloyat televideniyesidan uzoqda joylashgan. Shu sabab, bu yanada qiyinlashdi. Busiz ham to‘lqin orqali jonli efirga chiqsa bo‘ladi, ammo bunday qurilmalar soni sanoqli bo‘lib, ular boshqa tadbirlarda band. MTRK va PFL klublar bilan bu borada amaliy ish olib boradi va nasib qilsa barcha stadionlar optik tolali kabel bilan qamrab olinadi”.
Shuningdek, uchrashuvning 22-aprel sanasida yozib olingan holda namoyish etilishi ma’lum qilingan.
Turning so‘nggi o‘yini Toshkentda kechdi. Osiyo Chempionlar Ligasidagi ishtirokini erta yakunlashga majbur bo‘lgan jamoalardan yana biri Toshkentning “Lokomotiv”i o‘z maydonida “So‘g‘diyona” qarshi maydonga tushdi. Qatorasiga beshta g‘alabasiz o‘yindan so‘ng yangi murabbiy — Andrey Fyodorov boshchiligidagi “Lokomotiv” nihoyat g‘alabaga erishdi.
Superliga
7-tur bellashuvlari
21-aprel, shanba
“Qo‘qon-1912” — “Nasaf” 0:0
“Qo‘qon-1912”: 1.O‘tkir Yusupov, 5.G‘iyos Komilov, 7.Jamshid Hasanov (96.Muhammadanas Hasanov, 81), 10.Javohir Sidiqov, 17.Quvondiq Ro‘ziyev, 18.Bahodir Pardayev (9.Nosirbek Otaqo‘ziyev, 71), 19.Suhrob Berdiyev, 22.Murod Xolmuhammedov (s), 23.Aleksandr Merzlyakov, 55.Darko Gojkovich (95.Milan Spremo, 87), 65.Marko Milich.“Nasaf”: 35.Sanjar Quvvatov, 4.Maqsud Karimov (s), 6.Azizjon G‘aniyev, 7.Odiljon Hamrobekov, 10.Bobir Abdixoliqov, 22.Igor Golban, 27.Islom Rashidxonov (20.Islom Kenjaboyev, 78), 31.Saydullo Rahmatov, 55.Slavko Lukich, 77.Jasur Hasanov, 92.Umarbek Eshmurodov.
Ogohlantirishlar: Murod Xolmuhammedov 48, Slavko Lukich 73.
“Lokomotiv” — “So‘g‘diyona” 2:0
Gollar: 1:0 — 35 Sardor Rashidov. 2:0 — 54 Sanjar Shoahmedov.“Lokomotiv”: Ignatiy Nesterov, Boburbek Yo‘ldoshev, Kaxi Maxaradze (Sadriddin Abdullayev, 65), Marat Bikmayev, Sardor Mirzayev, Husniddin G‘ofurov (Diyor Turopov, 77), Sanjar Shoahmedov, Sardor Rashidov (Aziz Omonov, 86), Shuhrat Muhammadiyev, Oleg Zoteyev, Igor Yelich.
“So‘g‘diyona”: Dilshod Hamroyev, Elyor Orifov, Alisher Ziyovuddinov, Akmal Xolmurodov, Azamat Isroilov, Dilmurod Karimov (Doniyor Hasanov, 55), Sardorbek Azimov, Shohruz Norxonov, Tohirjon Shamsiddinov, Jahongir Abdumo‘minov (Izzat Abdullayev, 68), Nurillo To‘xtasinov.
Ogohlantirishlar: Marat Bikmayev 20, Husniddin G‘ofurov 75.
Izoh (0)